我唔敢喇

今時今日，一個人快樂 o既關鍵，可能唔在於多唔多錢，社會地位高唔高，而係好可能關鍵於一部手提電話。

係人都試過冇帶電話，一定好唔方便，必須要打電話時唯有搵入銀/卡電話。但係我覺得自從手提電話流通之後，要搵個入錢電話唔係話咁易，有時有 d 仲淨係可以入卡，乜果 d 地方淨係得外傭要打電話 o既咩？我有次好難過 o既經歷...

約左個有人話我見過 o既人 o係地鐵站度等，由另一個人轉達左我著左條好鮮艷 o既長褲，25 分鐘度到。去到唔覺眼有似目標人物 o既物體就睇下書，反正我有目標人物 o既電話，雖然我無帶手提，但地鐵站實有電話亭架嘛。睇左兩頁書，仲未見人，去問補票處邊度有電話亭，搵到諗住打，個電話原來係壞 o既，咁又行番去約好等果度又望下，仲係未冇人，於是我都懶醒，唔問本地人借電話，知佢地實有上黃金討論區，我問外藉女傭，幾乎未講完我要講 o既野，佢已經一路口 upup一面走緊，我好似聽到佢話唔借，可能印傭都有睇警訊。受挫後行去站另一邊睇下有冇第二個電話，無！又返返去約定地點，仲係唔見人，我諗不如出閘去搵佢，但我又驚可能佢已經唔係果度，我走開左佢又到咁點算。於是我又鼓足被重重打沉左一次 o既勇氣向第二個人埋手，我話：「先生，我等緊人但我無帶電話，你可唔可以幫我打呢個電話，話比佢知... 「我都無帶電話呀。」我句野又係未講完，佢就咁回應我，我唯有笑話你都無帶電話呀... 然後，有位女士行埋我同個男人度，問你係咪 sheys 呀？我的天呀，原來呢個我一早見到、同我一樣 o係果度等左咁耐 o既女士就係我等緊果個人！我敢肯定我未見過呢個人，而傳達我著咩褲 o既人亦講錯左我著裙。我話我其實想問你借電話呀，早知我一早鼓起勇氣問你借電話就好啦。如果係咁，起碼我可以問少一個人借電話，後來發現原來佢唔係無帶電話，只係佢睇左同事三分親有集講有個台灣人話俾人打劫但又趕住去機場問人借 6 千蚊果集，只係佢只接受有個果婆呃人電話，而無接受到最後台灣人真係還返 6千蚊 o既結局，所以唔肯幫我打呢個電話。

第一次問印傭借個電話打，佢驚我攞佢電話，唔借都好合情理；第二次問男士，我係話幫我打呢個電話，唔係叫佢比個電話我打，佢都唔肯幫。佢擔心 d 咩？我打俾同黨，有左佢個號碼勒索佢？當佢聽到我同女士之間 o既對話，之後o係我仲可以見到 o既範圍之內講電話，唔知佢有咩感想？我希望佢係有感想而唔係覺得超理得你，又或者個感想係，你場戲都做得有頭有尾喎。

最令我難過 o既係，呢個地方 o既人對其他人 o既信任原來已經低到零，應該該話猜疑高到爆晒燈，幫人打個電話都驚有危險。可能手提同個號碼都太重要，令人變得太敏感，一揩到呢樣野就令人神經緊張。利用人同情心 o既騙徒係最可恥，受騙 o既人唔敢再相信人，覺得自己係白痴，久而久之，人人地唔理其他人死活，跌銀包呀？行路返屋企啦；無帶電話呀？果度有電話亭喎(但巧合係個電話係壞 o既)，咁多巧合？咁我都無帶電話 lu。

alanis morissette
ironic 節錄

well life has a funny way of sneaking up on u when you think everything's okay and everything's going right

and life has a funny way of helping u out when u think everything's gone wrong and everything blows up in your face

facebook group 護生共同體

經 j 知道有個 group 叫護生共同體，於是去望望。睇過簡介，覺得發起人真係好有心，想出一分力去改變世界，由自己開始一日至少一素，希望提倡未能完全素食 o既朋友，可以嘗試以一日一素踏出第一步。

然後我諗起呢個網頁，同自己 既傲慢。會咁諗完全同護生共同體無關，佢地唔係傲慢，我尊重佢地 o既善意。問題係我自己。網頁裹面有一句 Some people become overly bossy when they become environmentalists. 呢句野令我感受好深。我稱唔上環保份子，但係我已經有呢種傲慢。食素好叻咩？見到動物被用作動物測試會喊好特別咩？識用慳電膽收埋一堆報紙雜誌單張包裝紙麥當奴紙袋水電卡數強積金郵件信封去回收大晒架？成日咦咦哦哦人地只會覺得好有壓力。或者除左要好似護生共同體講咁學習不隨便傷害其他生命、不為了一時食慾而取用其他生命、保護其他生命之餘，我更加需要學習消除我慢。

「每一餐改變世界，每個人一天有三次機會改變世界，重點是，你吃什麼東西，全是你自己的選擇，如果只有你一個人每天選擇比較健康的食物，當然不會造成多大 的不同，但如果一百萬人做同樣的選擇，就會造成很大的不同，越多人開始做些改變，越多農民會被激勵用無害的方式種植或養殖，那麼就會讓我們更容易從附近的 農場買到健康的食物。 」
Jane Goodall

引以上一段由護生共同體所引 o既 Jane Goodal 關於 mindful eating o既話，除左因為無自信之外，仲因為我覺得呢位女士真係好值得尊敬。

高踭鞋

care free 就是這個樣子。我今日就係咁 care freee 咁，跣低左。

當時我路過一斜板，心想無事 o既，點知諗緊中途已經 care free。好在果度唔係大街大巷，周圍望唔覺有人，不過天在看，地在轉，人在戰，可能只係自己以為瞞天過海矣。

可能終於時辰到，我呢排經常經歷瀕仆狀態，次次都應一應但又無真係仆低，不過個心離一離咁。皇天不負有心人，揀中今日著成咁成就呢齣無觀眾o既喜劇。

經一事反一智，以後著斗零踭黑絲襪同短裙時唔好博以為自己實唔會跣低喇。

ps 絲襪同個人竟然都無因為意外而穿窿，真係好好彩，多謝晒~~

我的密陽

我們在天上的父，願人都遵祢的名為聖，願祢的國降臨，願祢的旨意行在地上如同行在天上。我們日用的飲食，今日賜給我們，免我們的債，如同我們免了人的債。不叫我們遇見試探，救我們脫離兇惡，因為國度、權柄、榮耀，全是你的，直到永遠。

假如真的有神，為何我無辜的兒子要死得如此殘酷？


「一切乃是神的意旨。」


一切一切，都是神的意旨。多麼美滿。

人都有罪，生下來就有原罪；人都空虛，知識、金錢、情慾都不能填充，因為這個空虛只能由神去填滿，當有神在其中，人就不再空虛。

一切一切都是神的意旨。明明是個人，卻淪為玩偶般身不由己滿身罪孽而空虛的慾望奴隸，直至神在你當中，直至神赦免你的罪。一切一切都是神的意旨。多麼美滿。

請愛你的仇敵，為他禱告，同時咒詛你的敵人，願他的兒女為孤兒，他的妻子為寡婦，願他的後人斷絕。如此而已。