無花果

三千年開花，三千年結果

聽到「１，２，３，７１，８００！」我知道，她的觸手長至800條，長成前，又捏死了這個城的一間士多。

梗有一條 o係左近不是蓋的，一截10個鋪位的小巷，頭一條，尾一條，不出十步，好比佛祖一步一蓮。餵養她與其好友的，是他也是你和我。有個聲音從十年前蕩來：「不喜歡這些觸手，財鴻勢大，我要去士多買。」這個聲音一直都在，只是隨著時間流逝被沖刷掩蓋得聲音太小然後幾乎聽不見。

當我們藉口太忙、貪圖方便、懶、自我中心，同時也在消滅這個城的士多、辦館、雜貨舖、食肆、商店。

坐在這鍋越來越暖和的水中，看著所有多元變成單元，也許不要感歎天星變臉、皇后讓路，是我們自願放棄，享受觸手的襁褓。還好將來不需費心旅行，因為到哪裹都是一個樣。

三千年後
曲 陳輝陽
文 陳慧
演 李香琴

再見。
唔好怪我第一句就同你講再見，因為我真係專程嚟同你道別架。

你唔講嘢，淨係聽我講，嗰陣時個世界好安靜，無而家咁嘈，襯得我特別吱喳，特別開心。
我記得同你去睇日落，你會喺我耳仔邊講嘢，你講得好細聲，其實我一Ｄ都聽唔清楚，不過，我好鐘意聽你咁樣同我講嘢。
以後再無人咁樣同過我講嘢。因為你話俾我知你要走。
忽然間過咗好多年，我無再睇過日落。
我記得，你同我去過嘅每一個地方，嗰 D 地方通通留喺我心裡面。

我唔會講，我老架喇，我只係會講，我喺度太耐，時間耐左，難免知道有人總會慢慢咁將過去淡忘，亦會睇住 D 野無聲無色咁樣消失。

我點解要走？我先兩日，唔知諗緊乜嘢，無端端走咗去睇日落。
個日落就同我記得陪住你睇嗰個樣一樣，不過，就算我點樣裝出若無其事，我都無辦法唔承認，我失去嘅嘢實在太多。
我要走喇，如果你記得番我係邊個，我知道你一定會好唔捨得我，仲會好掛住我。
再見。

圖片來源：科學小芽子