生活小故事 - give me a 車立
如果人類之間 o既愛都涉及體液交換同企圖共渡餘生，咁以下我想講 o既應該係一個關於情 o既故事。
有一男一女，阿姐大叔，每日相對，雖然係咁，兩個人 o既相聚時間唔算多，咁 o岩兩個人一齊得閒就有一句無一句咁閒話家常。有一次，有個諸事理見好多日無見阿姐就問大叔，阿姐無做拿？唔係，放假返左鄉下。如是者隔左幾個月，阿姐又唔見左好多日，仲變埋 d 生面口阿叔，大叔面色越厘越唔對路，平日笑笑口早晨早晨無晒，苦瓜越厘越乾，諸事厘於是又問大叔，阿姐無做拿？返左鄉下呀。哦放假呀（雖然覺得可能性唔高）？佢ＸＸＸＸ所以返左鄉下呀，佢話（公司）等得就等，唔等得就請過第二個啦咁話。諸事理無意中侵犯左阿姐私隱之餘亦解開左心裹面 o既疑惑，但同時又多左一絲愁緒。
日復一日，當陌生阿叔開始被消化，突然阿姐又出現番！大叔笑容番晒厘，對住諸小姐仲笑得曖昧，令人懷疑係想回應諸小姐話掛住阿姐而瞹眛。至此諸小姐至發現，原來阿姐就係大叔面色唔對路同笑番 o既原因，或者大叔自己都唔覺，但感情就係咁發生同滋長。又或者佢自己都明白，唔需要更加唔可能改變宜家 o既相處方式，畢竟雙方都只能夠付出到呢種地步，應該已經係最適當。
能成為密友大概總帶著愛，能夠克己應該就係情。
