46 億年之末日初戀

有日睇到新聞節目，講電動車，電動車終於有 d 聲氣喇。原來香港唔係無電動車，香港政府已擁有 12 部電動電單車，其中 6 部 Vectrix 正由警隊試用，另外6部亦會在今年3月付運。想引入電動車 o既入口商一早都申請晒，但係運輸署就係無 feed back。唔知係咪因為想試清試楚先推出，定有太多利益關係要顧慮所以遲遲唔上馬啦，但講 d「為使香港成為一個宜居城市，並提升整體競爭力，港府與一間日本車廠簽訂合作備忘，引入一架電動私家車供政府部門試用」呀咁都幾唔怕面紅。突然間諗起幾句歌：「世界未日到了麼？問我終結會如何。海天一色似赤火，烈焰中只得你我。」冰架都碎得七七八八，化石燃料就快用完，發展可再生能源又好似仲係 research 階段，又話限制多，目前為止可再生能源只係佔緊遠少過 1% 的總發電量，而家係度整場大龍鳳話推電動車，但配套設施又未見，乜都慢三拍，我地同可再生能源/電動車 o既初戀究竟幾時先可以開始呢？

資料來源：成報、太陽報、機電工程署及中華電力以上各機構網頁