scum
綠色女流有個用回收千年油做番梘o既運動，成品仲由洗衫到洗馬桶都咁掂，而且不傷皮膚。廢物利用又咁多好處，梗係想試下啦，我最初係想試下自己整，不過即刻放棄，因為我邊有油，仲要氫氧化鈉，咪啦，所以睇埋去邊買，諗住價錢o岩就會買，突然諗起番梘好似會有化學作用，形成d分解唔到o既物體。於是我去 wikipedia 睇下，番梘係會同硬水先有反應，香港係軟水，咁我係咪可以用？唔通流到出去我 d 泡就一定冇機會遇到鈣同鎂？硬水地區生活o既人呢？佢地都有人用番梘架喎。
收到封email "Stop the dolphin and whale killings in Taiji", 裹面連埋一段片，但我唔敢睇，因為寫 email o既人話佢睇左於是喊，仲話有時真係覺得作為人類好羞恥。
我諗我其實就係 scum。
2 則留言:
唔知你講緊呢個係米我sent比你果個，如果係既話，呢個email係我同事forward比我，而佢呢封野都係由一班老外獸醫同一位真係好好既鬼婆獸醫Shevaun sent出黎，公司個supervisor一路睇一路小，我自己就忙住做野，我聽見佢小得咁狠，於是下爬輕輕話「B，唔好睇啦!」，但佢又forwward比我，咁我米睇囉...點知...我跟住就...一路小，一路喊咁囉...所以點解我咁憎我老細就係咁解...天氣凍d果日，佢就著住件成bon皮味既褸入房，佢條女就醒d，一早知我同supervisor 係veggie就冇再帶兔毛野番黎...佢話驚比人打...
我地都夠臭口架喇，見人食雞腳同豬腸就話人「唔，好眉好貌...食屎!!!」
係講緊果個 email 呀，我無睇到段片，我驚嘛。
食左素之後我好苦惱，因為我唔會買皮手袋，雖然皮係好靚同比假皮耐用好好好多。但我都有兔毛衫，係好耐之前o既衫，己經有o既野我會繼續用，爛左就唔會再買，絲質都唔會買。我將來會係一個著尼龍雪紡 o既闊太。
我都唔明點解要食大腸，大腸係要厘儲存大便同吸收大便水分o既器官o厘架喎，行過都聞到炸大便味啦，點解咁多食物中毒事件都冇關炸大腸事o既呢？唔通經千年油炸就算係屎都變得可以安心食用？
發佈留言