hkiff 2007

今屆本來買得11張，但睇睇下變14齣，幾開心今年 d 戲多數都鐘意睇，但本書個封面可唔可以唔好咁 hea 呢？唔。

1. 城車票
我一直以為呢齣係港產片，其實係由五個來自五個城市 o既導演拍 o既短片 o既 project，除左東京果段，其餘美國、新加坡、香港同香港人導大板段都唔錯。香港段非常之特別，幾有趣。

2. 五尾狐
韓國動畫，覺得人設同顏色都係日本口味比較 o岩我，連語言都係鐘意日本多 d，動畫下個十年，我諗我呢 d 中女都係還看日本多 d。

3. 誰謀殺了電動車？
加州曾經有過電動車，車主鐘意，車廠憎，油公司又憎，政府幫手之下經已齊齊活埋左電動車。香港，連佢 o既芳蹤都未有緣一睹，藍天行動，真係唔該晒

4. 最後的女祭司
正

5. 性工作者十日談
我好鐘意o既一齣，人物之多題材之濶但仍處理得唔亂，我覺得好好。好鐘意果位國內女演員，冇記性 o既我加上根紅頂白 o既網頁令我冇法子寫出佢 o既名。好想睇邱禮濤導演 o既等候董建華法落同給他們一個機會。ps 即時傳譯位小姐好勁，一句說話搏得全場掌聲，勁。

6. 炸彈女的日與夜
又係好鐘意，一開場一段極速自言好有壓迫感，描寫視死如歸炸彈女都係血肉之軀，都會寂寞都會驚，最後天意弄人結局都好正。女主角我愛你。

7. 自由的怒吼
記錄片，睇完會覺得自己好幸褔，自由生來就有，幾多人打生打死辛辛苦苦先爭取到。片尾匈牙利同蘇聯水球隊老隊員個個一把年紀，幾十年無見，再見時以前 o既恩仇都化作一個個微笑，都好感人。

8. 錄親不認
唔知想點

9. 唱盤上的單行道
原來「一切都 o係晒呢度」呢句野，唔係自冠動感之都之後先至開始講，五六十年代時經已講左，不過係講比 d 外國人聽，香港有幾好有幾勁，來投資啦，咁。導演令我覺得佢想講 o既係親身經驗同社會所營造 o既形象 o既矛盾。又係鐘意。

10. 防腐搞作
唔識形容果種爆，真係估佢唔到咁勁，我自問幾受得腸流流果挺野，都覺得唔係幾頂得順哈哈。佢係核突但佢係靚 o既，畫面同顏色，ok？

11. 超完美地獄
又係腸流流，不過同防腐搞作無得比咯。如果死左之後真係咁，我究竟會唔會開心 d呢？

12. 蘋果奇俠
就好似佢個名咁，奇片一齣，應該係想諷刺佢地 o既政府，不過我膚淺唔知當地情況，但都已經好正好正。

13. 黐線
當你最恐懼o既幻覺變成真實，可能你又會以為自己其實只係有幻覺，好鐘意呢種癲與未癲之間o既虛幻界線主題。

14. 黑眼圈
好慢，好靜，都好靚。又沉鬱但又激情，幾複雜，同戲裏面 o既感情線一樣，又係正片一齣。