無蛋紐約芝士餅

戒蛋之後，唯一令我懷念 o既係 tiramisu。其他我唔太懷念，但叫得做蛋糕 o既我都冇再食過。曾經望過下 d vegan receipe，覺得一 d 都唔吸引所以完全無擺 o係心度，已經疊埋心水同蛋糕告別。

有晩 k 話好想食芝士蛋糕，我話唔識整，佢話你唔係唔識，係唔整姐。咁我就諗下應該點整啦，應該用咩代借蛋呢？蛋白質... 豆腐？跟住上網搵，真係搵到個食譜係用豆腐整。個食譜係教整檸檬芝士餅，我唔鐘意咁整，減左檸檬汁，變成咁：

125g 消化餅
45g 無鹽牛油
一磚 ﹣ 滑豆腐
一磚 ﹣ cream cheese
3/5 杯糖
1/2 茶匙 almond extract (買到就加啦，我就無喇)
2 湯匙粟粉

1) 牛油熱水座溶，消化餅壓至粉碎，加溶牛油混合後壓平於 7" 餅模底，完成餅底備用；

2) 豆腐、cream cheese、糖一同放攪拌機攪至滑；

3) 以細碗勻和 almond extract、粟粉、水適量，加進芝士豆腐中，攪至滑；

4) 預熱焗爐 180Ｃ 5 分鐘，芝士傾入餅模焗 40 分鐘，取出置室溫 2 小時或待涼後，冷藏過夜。

以前整紐約芝士餅，材料同呢個食譜差唔多，不過芝士用多一倍，要用兩磚，蛋兩隻，真係幾 heavy，但亦都真係好好食 o既。宜家用豆腐代蛋，芝士用少 d，但買相同味道一 d 都唔遜色，芝士同豆腐竟然好夾，好開心可以重拾食蛋糕 o既樂趣但又唔駛食蛋。

另介紹位於九龍灣淘大 o既 Buddha Hut o既素 tiramisu，好食到非常，服務好，地方企理，價錢唔貴，唔係素食者都會鐘意。我都好恨整到咁 o既 素 tiramisu 呀。