電影 ﹣登月直播 The Dish (2000)

我必須要道個歉，因為我實在太低估星期六黃昏時間 o既交通情況，預左 9 個字都唔夠，足足遲左 5 個字先入到場。入到去驚為天人，竟然咁多人睇，雖然錯過左大拿拿 5 個字時間，但唔太影響對於齣戲 o既理解，因為，佢係齣喜劇丫嘛～

一路睇，我覺得佢其實可以上正場，主角係 Sam Neill，up 唔出做過乜但總之好熟口面，如果卡士再勁 d，上正場應該都收得下。因為受到 k 小姐恐嚇，我都驚驚地，睇落先知係戲劇唔係紀綠片，紀綠片唔一定悶但無人想要喎 d 飛，但原來，佢係齣喜劇厘架喎～ 有輕鬆有緊張有輕到無左都無所謂 o既感情線，唔係套令人覺得好深奧嚇到冇人想睇，但又唔會係套令人好深刻好正 o既戲，不過畫面同顏色好靚。至於羊咩... 可能 o係我入場前已經出場，我唔見佢地喎。呢場戲由個陰影籠罩出發，一切都變得喜出望外。

到臨尾太空人踏足月球片段播出厘果下，我都好感動，覺得呢件事真係好神奇好正，雖然一直有把聲係左手邊話：「假架，感動喎，咪傻啦～」我都仲係覺得幾感動。你願唔願意相信呢件創舉只係一個騙局？

圖片來源：澳洲電影節2007